ഓർമ്മ വേണം

പെൺകുട്ടി: ഞാൻ മൈതാനത്ത് കളിക്കാൻ പോകട്ടേ?
അച്ഛൻ: വേണ്ട. നീയൊരു പെൺകുട്ടിയാണ്.ഓർമ്മ വേണം.

പെൺകുട്ടി: ഞാൻ കൂട്ടുകാരിക്കൊപ്പം അമ്പലത്തിൽ പോകട്ടെ?
അമ്മ: വേണ്ട. നിനക്ക് " ആ ദിവസങ്ങളാണ്". ഓർമ്മ വേണം.

പെൺകുട്ടി: ഞാൻ കൂട്ടുകാർക്കൊപ്പം സിനിമക്ക് പോകട്ടെ?
സഹോദരൻ: വേണ്ട. നീ കല്യണ പ്രായമായവളാണ്. ഓർമ്മ വേണം.

പെൺകുട്ടി: നാളെ ഞാൻ ജീൻസും ടോപ്പും ഇട്ടോട്ടേ?
കാമുകൻ: വേണ്ട. നീയൊരു പെണ്ണാണ്. ഓർമ്മ വേണം.

പെൺകുട്ടി: ഞാനൊരു ജോലിക്ക് ശ്രമിക്കട്ടെ?
ഭർത്താവ്: വേണ്ട. നീയൊരു വീട്ടമ്മയാണ്. ഓർമ്മ വേണം.
------------------------------------------------------------------------------------------
മകൾ: ഞാൻ പാർക്കിൽ കളിക്കാൻ പോകട്ടേ?
അമ്മ (പഴയ പെൺകുട്ടി): വേണ്ട. നീയൊരു പെൺകുട്ടിയാണ്. ഓർമ്മ വേണം.