ഒരു യാത്രാവിവരണം

ഞാനൊരു യാത്രക്കൊരുങ്ങുന്നു-
സ്വന്തമസ്തിത്വം തേടിയൊരു യാത്ര.

എന്നെ നിശ്ചലമാക്കിയ മണ്ണട്ടികളടര്‍ത്തി മാറ്റി,
ദിശാസൂചികക്കായി  മിഴിക്കും കണ്ണുകളുടെ 
കാഴ്ച്ചവട്ടത്തിലേക്ക്  കടന്നു വന്നതാരാണ്? 

വെയിലേറ്റു പഴുത്ത തറയിലെ കുഞ്ഞു നഗ്നതയെൻ 
വസ്ത്രങ്ങളുടെ അപകര്‍ഷതയെ പരിഹസിക്കുന്നുവോ?

കുരുന്നുച്ചുണ്ടിലെയെച്ചില്‍ക്കഷ്ണമെന്‍
രുചിയില്ലായ്മയെ വിമര്‍ശിക്കുന്നുവോ?

കണ്ണീരിന്‍ നനവകന്ന വരണ്ട കണ്ണുകളിൽ ഞാൻ കണ്ടത്   
കണ്ണീരിൻ  വില സൂചികയോ???

ഈ വഴിയോരക്കാഴ്ചകളെന്‍റെ യാത്രക്ക്  വിഗ്നങ്ങളാകവേ, 
സഹതാപമെന്ന വികാരമേ, എവിടെ നീ പോയൊളിച്ചു ? 

ഉത്തരമില്ലാത്ത ചോദ്യങ്ങളെ ദിശാസൂചികയാക്കി
നടന്നു തുടങ്ങുന്നു ഞാന്‍ തിരികെ,
നടന്നു തീര്‍ത്ത വഴികളത്രയു൦ വീണ്ടും നടക്കുവാൻ.